fashion from iceland

edie's eyes

2010-11-23T17:32:00.003Z

trine er danskur tískubloggari á blogginu trine's wardrobe. ég fylgdist alltaf með blogginu hennar þegar ég bjó úti í danmörku í byrjun ársins og þá var hún að vinna í nýrri fatalínu sem átti eftir að koma á markað. fyrir algjöra tilviljun kíkti ég svo á bloggið hennar nýlega eftir að hafa ekki gert það mjög lengi og sá það að fatalínan hefur litið dagsins ljós og heitir edie's eyes. hún lofar mjög góðu, flottir litir, kósý peysur og ofur töff skart.

kling

2010-11-23T17:11:00.005Z

ég fylgist vel með blogginu hennar elin kling. í dag sagði hún frá því að hún muni koma til með að stofna nýtt tískutímarit í samvinnu við stærsta fjölmiðlafyrirtækið í svíþjóð. fyrsta tölublaðið kemur í mars og verður örugglega stútfullt af tísku og stíl ef maður þekkir kling rétt.

vinnuheitið á blaðinu er style by og munu aðstoðarkonurnar hennar, columbine smille og emma elwin koma til með að vera blaðamenn... spennandi!

h&m ss11

2010-11-13T20:46:00.005Z

alltaf gaman að skoða það sem er væntanlegt frá h&m. þetta er vor/sumar 2011...hlakka til að sjá meira

hægt að sjá myndina stærri hér

svolítið vetrarlegur stíll yfir þessu, allavega miðað við brúna litinn og yfirhafnirnar. frekar ólíkt sumartísku síðustu ára. uppáhaldið mitt af þessum lúkkum að ofan eru þessi tvö:

30.10

2010-10-30T22:20:00.002Z

outfit dagsins. poncho h&m, buxur h&m, skór bullboxer.

cross double ring

2010-10-29T20:28:00.004Z

mig er búið að langa í double hring með krossi í allt haust. búin að sjá þetta bæði á asos og nasty gal.

sem betur fer verður bráðum hægt að fá svona lovlí hring á íslandinu góða :) og það bara á eitthvað um 1500 kall!

temporary

2010-10-29T17:59:00.003Z

það hlaut að koma að þessu...temporary tattoo frá asos

kosta bara 6 pund

spurning um að splæsa eða er þetta kannski bara kjánaleg eftirlíking af chanel tattúunum?

wang copies

2010-05-27T11:52:00.010Z

það er alveg ótrúlegt hvað vinsældir alexander wang virðast bara fara aukandi. þegar eitthvað verður að eins miklu trendi eins og wang stíllinn þá er það oft ekki mjög langlíft, en hann virðist einhvern veginn alltaf hitta naglann á höfuðið. með vinsældunum koma náttúrulega eftirlíkingar (sem eru kannski ágætar fyrir þá sem hafa ekki efni á the real deal). eftirlíkingarnar eru misgóðar en ég er búin að sjá nokkuð góðar upp á síðkastið, eins og þessar...

Skór frá Alexander Wang -- Skór frá Chicy

Taska frá Alexander Wang -- Taska frá Modekungen

Sólgleraugu frá Alexander Wang -- Sólgleraugu frá Spanish Moss

Bland af misgóðum eftirlíkingum af A.Wang töskunum. Gallataskan er frá Blond, en allar hinar frá Forever21.

h&m coming up

2010-05-23T16:23:00.007Z

hversu girnileg er haustlínan frá h&m ? sumarið er rétt að byrja og mér er strax farið að hlakka til vetursins. ekki kannski veðursins, en allavega að versla vetrarfötin. ég fíla vetrartískuna alltaf miklu betur, líklegast af því veturinn hjá okkur er lengri og meiri fjárfesting í vetrarflíkunum. en það eru búnar að vera að poppa upp myndir á skandinavískum tískubloggum frá h&m showroominu þar sem haustlínan var sýnd, og mér líkar svo sannarlega það sem ég er að sjá. kápurnar eru æði, svarthvíta munstrið og kósý buxurnar. alveg greinilegur innblástur frá missoni, burberry, givenchy og isabel marant, sem eru nokkur af mínum uppáhalds tískuhúsum í dag.

chloé inspired outfit sem miroslava púllaði á tískuvikunni í parís, hægt að fá lookið fyrir less hjá h&m í haust!

outfit dagsins

2010-05-19T00:18:00.004Z

það var alveg yndislegur dagur í dag, hitinn loksins orðinn góður og hægt að fara í sumarfötin. sem í mínu tilfelli var reyndar svartur harem buxnasamfestingur úr h&m. þarf virkilega að fara að kaupa mér eitthvað sumarlegra og vera í eitthverju í LIT.
og já, ég ákvað að halda þessum hringlóttu úr ginu tricot. vona að þau undirstriki ekki hringlótta andlitið mitt of mikið ...

wanted

2010-05-18T10:36:00.003Z

mig langar í...

...þessa skó frá timeless. og það besta er að þeir kosta bara um 5500 kall :)

new things

2010-05-13T12:03:00.003Z

þetta er það sem ég er búin að kaupa mér síðustu daga. svona smá að verðlauna sjálfa mig fyrir að vera búin í prófum. og oh já þetta er allt svart...ósumarlegasta val ever, þarf virkilega að fara að kaupa mér eitthvað í lit! fékk sokkabuxur bæði með hjartamunstri og doppóttar á 2 fyrir 1 í bik bok og keypti líka blúndusokka með. verý kjút. bolurinn með rifunum á handleggjunum var líka til í ljósbleikum, sem ég ætlaði upphaflega að kaupa en hann blendaðist svo við húðlitinn minn að það kom bara ekki nógu vel út.

keypti mér líka þessar stuttbuxur, og já auðvitað í svörtu! sá ekki þennan ljósa lit í búðinni...hefði verið svolítið mikið sumarlegri. þessar svörtu eru samt engu að síður flottar og ég get þá verið í þeim líka í vetur við aðeins þykkari sokkabuxur.

svo er ég búin að kaupa mér þrenn sólgleraugu, öll mjög svipuð, með það í huga að halda einum eftir og skila hinum. get bara ekki ákveðið mig. mig langaði svo mikið í brún yrjótt gamaldags umgjörð. þessi fyrstu eru frá ginu tricot. eins flott og þau eru þá fara þau mér eiginlega ekki. þessi númer tvö eru svolítið töff af því þau eru í cat eye stíl en þessi neðstu eru samt líka svo flott. hjálp?

ring ring

2010-05-10T18:39:00.005Z

ég er komin með obsession fyrir hringum. hef nefnilega aldrei fílað hringi á puttunum á mér, er með frekar stutta putta og fannst það bara aldrei lúkka vel. en í ferð niðrí bæ um daginn þá rötuðu tveir mjög penlegir gaddahringir í pokann hjá mér. þeir koma úr glitter sem er eiginlega frekar cheap skartgripabúð, en samt þess virði að kíkja í því það leynist töff skart inni á milli. núna er ég bara að reyna að finna fleiri, svo hinir verði ekki einmana ;)

keypti þessa í miðjunni (myndin er frá clamour4glamour.com)

þessi er úr íslenskri skartgripalínu sem heitir uppsteyt. hafði aldrei heyrt um það fyrr en ég rakst á facebook síðuna hjá þeim. mér finnst þessi mjög töff, og hann er líka til í gylltu.

skór dagsins...defeeter frá dope

original icon

2010-05-09T20:41:00.007Z

ég sá að urban outfitters voru með keppni núna fyrir mæðradaginn þar sem fólk gat sent inn stylish myndir af mömmu sinni þegar hún var ung. mér fannst þetta svo flottar myndir, og sýna hvað margt í tískunni er ennþá inni - eins og sjóararendur og mittisháar stuttbuxur - að ég ákvað að setja inn nokkrar af bestu myndunum að mínu mati. svo sumarlegar og sætar :)

long time no see

2010-05-09T13:26:00.003Z

úff það er svo langt síðan ég hef bloggað. alvega ótrúlega leiðinlegt þegar sólahringurinn er of stuttur. en þar sem ég fer bráðum í sumarfrí þá hef ég sko nægan tíma til að bloggstússast :) er allavega með fullt af hlutum sem bíða eftir að komast úr hausnum á mér. núna er það samt próflestur, næstsíðasta prófið á þriðjudag og um næstu helgi verð ég alveg búin. can't wait!

saumaði mér einfalt pils um daginn, heppnaðist bara nokkuð vel. frekar casual úr þunnu jersey efni og mjög töff við þunnar sokkabuxur og hæla. mig hafði langað í svona dreiperað pils soldið lengi og ákvað að gera snið að því í sníðakúrs sem ég var í og sauma svo.

annars þá fór ég á loppemarkað á fimmtudaginn, alveg heaven að gramsa í fötunum þar þó að margt sé alveg glatað. en ég stóð allavega uppi með níu flíkur eftir allt gramsið og borgaði bara tæpan 3000 kall fyrir. það borgaði sig allavega að prútta smá. fékk geggjað kögurvesti úr rúskinni með hevý síðu kögri!, og líka tvennar oversized silkiblússur - geggjaðar í sumar. og meira og meira...

i'm a biker

2010-04-15T08:20:00.002Z

mikil hjólatíska í gangi núna í ýmsum borgum evrópu. dreymir um að eignast eitt stykki töff hjól fyrir sumarið.

white hair

2010-02-10T11:55:00.002Z

hvítt stutt hár er edgý og töff! vildi að ég væri eins kúl og kate lanphear.

tweed tweed

2010-02-10T11:42:00.004Z

er búna vera fíla tweed undanfarið. flott í jökkum, kápum og stuttbuxum. ekta vetrarefni. fór í rauða kross búðina hérna í århus í fyrradag og sá nokkrar tweed flíkur með flottum vintage fíling.

minimarket

2010-01-17T12:32:00.009Z

lookbookið frá minimarket fyrir sumarið er ótrúlega flott. litirnir eru ekta sumar og sól...þeir eru skærir en samt svolítið pastel. það er líka fullt af flottum aukahlutum í línunni - litríkir skór, sólgleraugu, töskur, hanskar og hattar.

töff auglýsingaherferð líka!

who knew?

2010-01-17T11:34:00.002Z

...rachel zoe að baka ?

zoe póstar á twitter síðuna sína voða sætum myndum af sér í náttsloppnum að baka, en hún segir að bakstur "hjálpi sér að slaka á". vil ekki vera vond við greyið konuna en þessar myndir úr jólafríinu hennar á ströndinni fullvissa mig ekki um að hún actually borði kökurnar sínar.

ef einhver er interested þá er hér uppskrift að bananabrauðinu hennar. prófaði að baka það en það var hálf hrátt hjá mér :/

keep warm

2010-01-15T21:56:00.000Z

mér finnst einhvern veginn tískan á veturna skemmtilegri en á sumrin og miklu meira spennandi að versla föt fyrir kaldan tíma. kannski af því það er kalt á íslandi meiri hluta ársins. vetrarstíllinn bíður líka upp á meiri möguleika - fleiri flíkur og ég fíla vel layering, lag ofan á lag af flíkum. það besta af öllu þennan veturinn eru samt feldir, loðvesti, loðhúfur og loðkragar! ég hef aldrei fílað loðfeldi eins mikið og þennan veturinn.

ég kemst bráðum í h&m en það virðist sem lítið sé eftir af alvöru vetrarflíkum og allt orðið fullt af sumarflíkum. (ekkert voða sniðugt þar sem mér skilst að það sé skítkalt í dk í augnablikinu).

braids

2010-01-15T21:41:00.006Z

síð og laus hliðarflétta er officially orðin hárgreiðsla sumarsins. ég hef sem betur fer ákveðið að safna hári undanfarið og er búnað setja í mig svona fléttu nokkrum sinnum eftir að ég sá hvað það var töff á pöllunum hjá alexander wang. líka næs að hún má vera svolítið úfin, en aðalgaldurinn að mínu mati er að skilja svolítinn enda eftir að neðan. mjög einföld og þægileg hárgreiðsla í sumar. en svona fléttur sáust líka hjá miu miu þannig nú er bara að safna enn meira hári í síðari fléttu :)

chanel for less

2010-01-13T21:01:00.005Z

chanel er örugglega eitt af þekktustu vörumerkjum í heimi. þetta er sérstaklega áberandi þegar farið er að gera matvæli og skyndibitapakkningar með chanel lógóinu.

flottust finnst mér samt heimagerða "chanel" taskan...

unfinished business

2010-01-13T20:40:00.007Z

það er mikið um grófleika í tískunni núna sem ég er að fíla...nælur, keðjur og rifur. flott að poppa upp á svartan blazer jakka með því að setja nælur á axlirnar eins og á mynd tvö fyrir neðan.

rodarte for target

2010-01-10T20:03:00.005Z

ég er mikill rodarte aðdáandi en systurnar sem hanna fyrir merkið voru að gera línu fyrir target. hefur örugglega verið challenge fyrir þær af því þær hanna ekki beint mjög klæðileg mass-market föt. en mér finnst línan nokkuð töff og þær náðu alveg að koma rodarte andanum í ódýrari flíkurnar.

fashion sketches

2010-01-09T21:42:00.002Z

mér finnst svo gaman að tískuskissum. kannski af því að ég kann ekkert að teikna og vildi svo mikið getað tjáð mig með því að teikna!

þeir sem ég held mest upp á eru danny roberts og sandra suy. þau teikna bæði myndir eftir ljósmyndum eða nota andlit þekktra fyrirsæta til að skapa nýja mynd. alveg einstakir talentar hér á ferð.

íslenski fatahönnuðurinn hildur yeoman teiknar ótrúlega flottar myndir. mæli með því að kíkja á heimasíðuna hennar og skoða þær.

words

2010-01-02T18:38:00.007Z

orð eru merkilegt fyrirbæri. ég elska þegar hægt er að raða orðum í fullkomna setningu...eins og þessi.

atacoma

2009-12-18T21:32:00.009Z

acne atacoma skórnir hafa verið að tröllríða öllu í bloggheiminum enda ógeðslega töff skór! hver tískubloggarinn á fætur öðrum hafa nælt sér í par, aðallega skandinavíupíurnar enda acne alsænskt.

fylltir hælar eru almennt mjög heitir í ökklaskónum. ég var í fyrstu ekki alveg sannfærð og ekki að fíla þá en þeir hafa unnið á og núna þegar það eru líka komnar fjölbreyttari tegundir þá hef ég alveg fallið fyrir trendinu. ég sá að það eru komnar svona týpur í kaupfélaginu og svo er sænska keðjan din sko með nokkrar útgáfur.

kate moss holiday

2009-10-28T21:25:00.000Z

hmm. nýjasta kate moss kollektionið fyrir topshop, jóla- og áramótalína, er undir einhvers konar austurlenskum áhrifum að hluta til. veit ekki alveg hvað mér finnst. sumt er ókei, annað hræðilegt en nokkrar flíkur mjög flottar. ég persónulega er ekki mikill fan af japönskum blómamunstrum, kímónóum, hálsmálum sem ná uppí háls osfrv. hef bara aldrei fílað þennan stíl.

það sem ég er hins vegar að elska við þessa línu eru peysurnar með flottum axla detailum. engir kreisí axlapúðar í gangi en samt smá ýkt og svo perlur, steinar og leður til að skreyta.

líka nokkur festive pieces sem ég er alveg að fíla. silki, feldur, fjaðrir - gerist ekki betra.

línan fer í sölu á topshop.com á morgun. vonandi kemur hún sem fyrst til íslands, veit samt ekki hvort verðin verði eitthvað til að gleðjast yfir. þið getið allavega skoðað restina á nitrolicious.

flauels undirfötin eru ekta jóló!

color your life

2009-10-24T12:18:00.000Z

naglalakkatíska vetrarins er töff og spannar víðara litróf en svartan eins og síðustu vetra. þau allra heitustu eru víst dökkgrár, dökkgrænn, dimmblár og vínblóðrauður. naglalakkalína opi fyrir veturinn kallast espana og er með fullt af flottum dökkum tónum eins og dökkskógargrænum, dimmblágráum, vínfjólubláum, súkkulaðirauðum og blóðrauðum. hljómar vel!

sá líka að mac eru að koma með naglalökk í nokkrum dökkum litum hönnuðum af jin soon chi. örlítið bjartari tónar í gangi þar en allt saman mjög flottir litir.

þessi fyrir neðan er svo frá make up store og kallast vadim. töff mattur grár litur. sá hann á síðunni hennar margrétar (margret.is).

naglalökk eru ódýr fjárfesting til að poppa upp á útlitið og ég mæli með því að næla sér í einhvern nýjan og flottan lit fyrir veturinn!

the new girl

2009-10-19T19:53:00.000Z

andlit of the season er constance jablonski, hún gekk catwalkið fyrir 72 hönnuði í ss10 sýningunum á tískuvikunum í sept og okt. mér finnst þessi franska stelpa hafa virkilega ferskt andlit og það verður gaman að sjá hvaða hluti hún mun gera í tískuheiminum á næstunni.

ég elska að pæla í fyrirsætunum, það er líka skrýtið að pæla í hvað líftími þeirra er stuttur, þú getur ekki verið aðalmódelið nema í örstuttan tíma því það kemur alltaf eitthvað nýtt og ferskt andlit í staðinn - með öðrum orðum, tískuheimurinn moves on. það eru bara örfá módel sem hefur tekst að viðhalda vinsældunum, súpermódelin. moss, campbell, crawford, schiffer etc.

leopard overflow

2009-10-19T19:31:00.001Z

leopard munstur er að koma sterkt inn í haust. það eru mjög svo skiptar skoðanir á þessu mynstri, enda getur það verið frekar sjoppulegt sé það gert rangt. isabel marant sýndi alveg geðveikan hlébarðapels í fw09 sýningu sinni, alex wang var sömuleiðis í leo stuði fyrir sumarið '10 en hann býður upp á skó með fylltum og ófylltum hælum og í munstrinu.

í haust sér maður hlébarðamunstrið aðallega á pelsum og hælaskóm. ashish gerði nýlega skólínu fyrir topshop og voru þar m.a. geggjaðir háir platform leopard skór með fylltum hæl. mér finnst skór í mynstrinu einmitt mjög töff og ef ég finn einhverja flotta, sérstaklega með fylltum hæl þá stekk ég eflaust á tækifærið.

leðurjakkar a la rick owens

2009-10-16T17:42:00.000Z

er svo mikið að fíla leðurjakka í rick owens stíl í augnablikinu. er orðin dáldið þreytt á þessu týpíska mótorhjóla 'biker' leðurjakkalúkki - þó það sé enn heitt, þá eru þessir jakkar hins vegar enn heitari að mínu mati. þeir eru frekar lausir í sér, úr mjög mjúku leðri, með víðu hálsmáli og dreipera flott þegar þeir eru órenndir. sá töff leðurjakka í þessum stíl í warehouse um daginn sem kostaði um 50 þúsund ef ég man rétt. takk fyrir. þeir hafa líka verið að fást í all saints en sú verslun verður seint talin sú ódýrasta.

það sem mér finnst sérstaklega smart við þessa jakka er að á innanverðum handleggnum er teygjuefni sem gerir hann lipurri. ég er alvarlega að pæla í að prófa að sauma mér jakka í svipuðum stíl. hef séð (gervi?)leðurefni í efnabúðinni virku, tók ekki eftir því hvort það hafi verið á sky high verði, en ef það er ódýrt gæti það reyndar verið soldið feik lúkking. spurning hvað verður úr þessu diy projekti...

christopher kane vs oasis

2009-10-04T12:42:00.001Z

þeir sem eru að fíla brjálæðislega flottu skreyttu leggingsarnar í línu christhoper kane fyrir topshop ættu að líta við í oasis kringlunni og tékka á trufluðum metalskreyttum leggings fyrir um 10.000 kall. ókei soldið dýrt, en eflaust ódýrari en þær frá kane (og ekki svo galið verð miðað við hvað þær eru mikið statement piece).

oasis buxurnar (til hægri fyrir neðan) eru náttúrulega ekki alveg eins en svona í heild er alls ekki ósvipaður fílingur yfir þeim.

p.s. hversu töff er samt christopher kane línan ?? mig langar í allt - gæti ómögulega valið á milli.